كلية التكنولوجيا الحيوية واقسامها / كل ما تريد معرفته عن الكلية
كلية التكنولوجيا الحيوية واقسامها ومجالات العمل بعد التخرج
8/15/20 11:11 PM
بسم الله الرحمن الرحيم
اليوم سوف نتكلم عن الكليات الحديثة والتي عليها الاقبال كثير إلا وهي كلية التكنولوجيا الحيوية وسوف نتعرف الان عن كل تفاصيل الكلية ومجالاتها واقسامها ومجالات العمل بعد التخرج بإذن الله.
كلية التكنولوجيا الحيوية.
بالنسبة للكلية ف هي كلية عالية جدا بتدرس فيها الهندسة الوراثية وعلم الوراثة والجينات وبتدرس
مجالات كتير هنقولهم كالآتي :
Pharmaceutical biotechnology
المجال الطبي الدوائي
Agriculture biotechnology
المجال الزراعي
Marine biotechnology
فيما يخص علوم البحار
Industrial biotechnology
المجال الصناعي
Bioinformatics
مجال المعلوماتية الحيوية
......................
توجد الكلية ك كيان منفصل وكلية بذاتها ف جامعة مصر للعلوم والتكنولوجيا وجامعة MSA
كلية بايوتكنولوجي جامعة مصر للعلوم والتكنولوجيا كلية منفصلة لا يوجد تخصص بها تدرس كل المجالات وتشتغل ف كل المجالات
كلية بايوتكنولوجي موجودة على هيئة اقسام
قسم زراعة في جامعة عين شمس بتدرس agriculture
قسم في كلية علوم القاهرة .. قسم في كلية صيدلة الجامعة الالمانية
1_Industrial biotechnology
المجال الصناعي
خريج الكلية بيشتغل ف مصانع الكيماويات زي ال
Acetone
Acetic acid
Alcohol
بيشتغل في مصانع ال cosmetics ادوات التجميل وال makeup
بيشتغل ف ال house holds والادوات المنزلية زي مثلا مساحيق الغسيل وانزيماتها زي انزيم الحبة الزرقا وكدة
بيشتغل ف مصانع الغذاء اي مصنع اغذية زي شيبسي او بيبسي بتشتغل quality control مراقب جودة بتشوف المنتج ده مطابق للمواصفات ولا لا وبالتالي الانتاج كله بيتوقف عليك
بيتشغل ف ال Biomaterials و ال nanotechnology
بتشتغل ف صناعات الوقود الحفري والBiofeuls
2_pharmaceutical biotechnology
المجال الطبي الدوائي
وهو دراسة كل ما يتعلق بالعلوم الصيدلانية والصناعة الدوائية
بتشتغل ف شركات الادوية وصناعة الادوية زي المضادات الحيوية Antibiotics
بتشتغل في معامل ومراكز البحوث لاكتشاف ادوية للقضاء على الامراض
بتدرس العلاج بالجينات gene therapy
بتدرس الخلايا الجذعية stem cell وبتشتغل ف مراكز الابحاث او مراكز ومستشفيات العلاج بالخلايا الجذعية ف مصر والخارج
بتشتغل ف الحقن المجهري واطفال الانابيب
بتشتغل ف معامل ال DNA
بتشتغل ف معامل تحليل النسب pedigree analysis
بتفتح معامل تحاليل طبية وتشتغل في معامل التحاليل
بتشتغل ف الطب الشرعي والبحث الجنائي
3_Marine biotechnology
فيما يخص علوم البحار
بتدرس المجال ده ف الكلية بحيث تكون مؤهل لاستكشاف البحار واستخراج المواد الفعالة للمجال الطبي الدوائي
زي استخراج مركبات لعلاج وتخفيف آالام الايدز prialt
استخراج مركبات لعلاج السرطان زي dolostatin 10
و ال yondlis لعلاج سرطان المبيض
ومركبات مهولة لم يتم اكتشافها بعد 4_Agriculture biotechnology
المجال الزراعي
بندرس كل ما يخص الهندسة الوراثية الزراعية والجينات
بنشتغل في تحسين المحاصيل الزراعية كجعلها مضادة للفيروسات او مياه البحار عشان تتسقي بمياه البحار او مضادة للجفاف
او تعد اطول فترة بدون تلف زي ال flavr savr طماطم تترك ف الجو العادي ولا تتلف حتي لو لشهور من خلال تعديل الجينات ف تساعد ف زيادة الرقعة الزراعية وحل مشكلة الغذاء والنمو السكاني
تحسين الحيوانات الريفية كمضاغفة انتاج حليب البقرة الواحدة ومضاعفة عضلات البقرة الواحدة ولحومها من خلال الجينات وباقي حيوانات المزرعة
بنشتغل ف مراكز البحوث الزراعية
مجالات العمل كالآتي :- 1_معامل التحاليل الطبية
2_معامل الحقن المجهري واطفال الانابيب
3_معامل تحاليل ال DNA
4_معامل تحاليل النسب
5_الطب الشرعي
6_البحث الجنائي
7_مصانع الاغذية ك مراقب جودة.
8_مصانع الادوية وشركات الادوية
9_مصانع الكيماويات
10_مصانع ال house holds
11_مندوب طبي medical rep
12_مستشفيات السرطان
13_مستشفي 57357 14_مستشفي بهية
15_مستشفي 500500
16_المعهد القومي للاورام
17_مراكز الأبحاث اكثر من 21 مركز بحثي في مصر
18_المركز القومي للبحوث
19_مركز بحوث الصحراء
20_مركز بحوث البترول
21_مركز البحوث الزراعية
22المركز الأفريقي للبحوث
والخ
23_ بتشتغل biology teacher
24_ بتشتغل ف مجال النانوتكنولوجي لعلاج الامراض
بنتخرج as a Scientist or researcher
بنتخرج من جامعة مصر حاصل على بكاليريوس تكنولوجيا حيوية
قسم بايوتك كلية زراعة عين شمس حاصل على بكاليريوس زراعة
قسم بايوتك علوم حاصل على بكاليريوس علوم
قسم بايوتك صيدلة حاصل على بكاليريوس صيدلة
إحنا مش بنتخصص
احنا تابعين لنقابة المهن العلمية (علوم)
نقابة البايوتكنولوجيست جاري انهاء اوراقها
والسلام عليكم ورحمه الله وبركاته
المشاركات
ليست هناك تعليقات